Ubwa kabiri iti «Pfukama undamye, ndaguha ubu butunzi n’ikuzo ryabwo, uzi ko ari jye wabugabanye», Yesu ati «Haranditswe ngo..
Ubwa gatatu Satani nawe yagerageje kuvuga icyanditswe na yo iti : Haranditswe ngo Izategeka Abamalayika bakuramire ngo udakubita ikirenge ku ibuye (kandi koko biranditswe nawe hashake ni muri Zaburi ntaho nkubwira)
Na Yesu ati «Kandi haranditswe ngo…..
Icya mbere ni : INDA, KURYA, GUFUNGURA, KURINGANIRA N’AMEZA, GUKORA KU MUNWA, UMUGATI, IBIRYO, KUZUZA FRIGO NA CONGERATEUR.
Icya kabiri ni : UBUTUNZI, RICHESSES SANS FRONTIERE, AMASSER LES TRESORS, KWIRUNDANYAHO IBINTU BYINSHI ahari ngo urebe ko wagira amahoro. Maze uko byiyongera ukarushaho kuyabura ukajya urara mu modoka munsi y’igihuru cyangwa ku byatsi n’imisambi n’ibirago.
Ibintu byinshi, amazu menshi, amamodoka menshi utanagendamo yirirwa ahagaze mu rugo kuko muri garage huzuye, kandi n’ayo mazu ntuyabamo, ukagira amadege mato n’amanini, amato y’intambara, n’utumoto, twa kiosques, n’utugare n’utuduka, n’uduhene, n’intama, n’ingurube, n’inka z’inzungu n’iza kinyarwanda, na parcelles nyinshi utarubaka zimwe zuzuyemo ibyatsi. Ukanacuruza n’imineke n’avoka ku dutaro. Ndarushye nawe ukomeze iyi lisiti. Ibi byose byitwa : UBUTUNZI. KWIGWIZAHO UBUTUNZI.
Icya gatatu ari nacyo kibi cyane NI ICYUBAHIRO. Ni : «Nanga agasuzuguro». Bose bakubahe nk’Imana yabaremye ndetse barusheho, kugirango ugubwe neza. N’iyo waba ukora nka Satani na Sataniya, cyangwa nka Dayimoni na Dayimoniya, bagomba kukubaha. Kandi wowe uba warisuzuguje ibintu cyera kuko uba waremeye ko bigutegeka. Ni wowe uba warabanje kwisuzugura.
Ubanza kurya ugahaga, warangiza muri uko guhaga niho utangira gutekereza neza imishinga yo kurundanya ibintu, igihe uba urimo kwihaganyura inyama mu menyo. Kuko iyo ushonje utekereza kurya gusa. Ntiwajya mu mwaka wa kabiri utabanje mu wa mbere. Maze igihe umaze kurundanya ubutunzi rero wimukira mu mwaka wa gatatu ari nawo mubi cyane witwa «Icyubahiro». Wigira kagarara bose bakagutinya bagategereza igihe uzasebera cyangwa se ukavamo umwuka abantu bakakuruhuka. Bakaririmba bati : Waba usize nkuru ki imusozi? Aho ntiwaba ugiye wari ruvumwa… Byumvuhore we! Uriya mugabo ni umuhanzi w’umuhanuzi.
Ng’iyo imyuka ikorera mu isi ariko hari aho yashinze imizi cyane kurusha ahandi : ni mu Rwanda. Byose bijyana n’umurengwe no guhaga. Iyo byageze aho gusubiranamo ntabwo baba bagipfa ibiryo,