568

sinzabagirira ibambe, ahubwo ibicumuro byabo nzabigereka ku mitwe yabo.”

¹¹Nuko mbona wa muntu wambaye imyambaro y’ibitare, ufite ihembe ririmo wino ku itako rye agaruye ubutumwa ati “Nagenje uko wantegetse.” (Ezekiyeli 9) 

IGICANIRO CY’UWITEKA MU GIHUGU CYA EGIPUTA «HAGATI» 

“¹⁹Uwo munsi hazaba igicaniro cyubakiwe Uwiteka, mu gihugu cya Egiputa hagati, kandi ku rugabano rwacyo bazashingira Uwiteka inkingi. ²⁰Izaba ikimenyetso n’umuhamya ku Uwiteka Nyiringabo mu gihugu cya Egiputa, kuko bazatakambira Uwiteka babitewe n’ababarenganya. Nawe azaboherereza umukiza n’umurengezi, aze abakize. ²¹Nuko Uwiteka azimenyesha Egiputa kandi Abanyegiputa bazamenya Uwiteka uwo munsi, ndetse bazaramya batambe ibitambo bature n’amaturo, bazahiga umuhigo k’Uwiteka bawuhigure. ²²Uwiteka azatera Egiputa yice kandi akize, nabo bazagarukira Uwiteka. Azahendahendwa nabo, nawe azabakiza. 

²³Uwo munsi hazaba inzira ngari iva muri Egiputa ijya i Bwashuri. Abashuri bazaza muri Egiputa n’Abanyegiputa bazajya i Bwashuri, kandi Abanyegiputa n’Abashuri bazasengera hamwe. ²⁴Uwo munsi Abisirayeli bazaba aba gatatu kuri Egiputa na Ashuri bo guhesha isi umugisha, ²⁵kuko Uwiteka Nyiringabo abahaye umugisha ati “Abantu banjye b’Abanyegiputa n’Abashuri umurimo w’intoki zanjye, n’Abisirayeli gakondo yanjye bahirwe.». (Yesaya 19:19-25). 

UBUTUMWA BW’UBWIYUNGE: «HUTU-TUTSI» BY’UMWIHARIKO. 

“¹⁵Ijambo ry’Uwiteka ryongeye kunzaho riti ¹⁶“Nuko mwana w’umuntu, wishakire inkoni maze uyandikeho uti “Ni iya Yuda, n’iy’Abisirayeli bagenzi be.’ Maze ushake indi nkoni uyandikeho uti ‘Ni iya Yosefu, inkoni ya Efurayimu n’iy’inzu y’Abisirayeli bose bagenzi be.” ¹⁷Maze uzihambiranyemo inkoni imwe, kugirango zihinduke imwe mu kuboko kwawe. ¹⁸Maze igihe abantu b’ubwoko bwawe bazagusobanuza bati ‘Mbese ntiwadusobanurira impamvu z’ibyo?’ ¹⁹Uzababwire uti ‘Uku niko Umwami Uwiteka avuga ngo Dore ngiye kwenda inkoni ya Yosefu iri mu kuboko kwa Efurayimu, n’imiryango y’Abisirayeli bagenzi be, maze mbashyire hamwe n’inkoni ya Yuda mbagire inkoni imwe, babe umwe mu kuboko kwanjye.” 

²⁰Kandi inkoni wanditseho zizaba ziri mu kuboko kwawe, uri imbere yabo. ²¹Maze ubabwire uti “Uku niko Umwami Uwiteka avuga ngo Dore ngiye kuvana Abisirayeli mu mahanga bagiyemo, mbateranirize hamwe baturutse impande zose, maze mbazane mu gihugu cyabo bwite. ²²Nzabagira ubwoko bumwe mu gihugu ku misozi ya Isirayeli, kandi umwami umwe niwe uzaba umwami ubategeka bose. Ntabwo