46

IGICE CYA 2 : U RWANDA N’ABANYARWANDA 

«⁵Nakumenye ntarakurema mu nda ya nyoko kandi nakwejeje utaravuka, ngushyiriraho kuba umuhanuzi uhanurira amahanga.” ⁶Nuko ndavuga nti “Nyamuneka Nyagasani Yehova, dore sinzi kuvuga ndi umwana!” ⁷Ariko Uwiteka arambwira ati “Wivuga uti ‘Ndi umwana’, kuko abo nzagutumaho bose uzabasanga kandi icyo nzagutegeka cyose ni cyo uzavuga. ⁸Ntukabatinye kuko ndi kumwe nawe kugira ngo nkurokore.” Ni ko Uwiteka avuga. ⁹Uwiteka ahera ko arambura ukuboko kwe ankora ku munwa, maze Uwiteka arambwira ati “Nshyize amagambo yanjye mu kanwa kawe. ¹⁰Dore ngushyiriye hejuru y’amahanga n’ibihugu by’abami, kurandura no gusenya, kurimbura no kubika, kubaka no gutera imbuto”». (Yeremiya 1:5-10). 

«¹¹Ijambo ry’Uwiteka rinzaho riti “Yeremiya we (Mariya we), uruzi iki?” Maze ndavuga nti “Nduzi inkoni y’umurinzi.” ¹²Maze Uwiteka arambwira ati “Waroye neza, kuko ndinda ijambo ryanjye kugira ngo ndisohoze.” ¹³Ijambo ry’Uwiteka rinzaho ubwa kabiri riti “Uruzi iki?” Ndasubiza nti “Nduzi inkono ibira itwerekejeho urugara iri ikasikazi.” ¹⁴Maze Uwiteka arambwira ati “Ibyago bizatera abaturage bo mu gihugu bose biturutse ikasikazi. ¹⁵Dore nzahamagara imiryango yose yo mu bihugu byose by’ikasikazi,” ni ko Uwiteka avuga, “Kandi abami babyo bose bazaza bashinge intebe zabo mu marembo y’i Yerusalemu no ku nkike zaho zose no ku midugudu yose y’u Buyuda. ¹⁶Kandi nzabagaragariza imanza nabaciriye mbahoye ibyaha byabo byose, kuko banyimuye bakosereza izindi mana imibavu, kandi bagasenga imirimo y’amaboko yabo. ¹⁷Nuko weho kenyera uhaguruke ubabwire ibyo ngutegeka byose, ntibagukure umutima ntazagutera gukukira umutima imbere yabo, ¹⁸kuko uyu munsi nakugize umudugudu w’igihome, n’inkingi y’icyuma n’inkike z’imiringa. Igihugu cyose n’abami b’u Buyuda n’ibikomangoma byaho, n’abatambyi baho n’abaturage baho ¹⁹bazakurwanya, ariko ntibazakubasha kuko ndi kumwe nawe kugira ngo nkurokore.” Ni ko Uwiteka avuga». (Yeremiya 1:11-19). 

«¹⁵Arazibwira ati “Kwifuza nifujije gusangira namwe Pasika iyi, ntarababazwa. ¹⁶Ndababwira yuko ntazongera rwose kuyirya, kugeza aho izasohorera mu bwami bw’Imana“». (Luka 22:15-16). 

Aya magambo yo muri Luka 22 Yesu yayabwiye abigishwa be mu bihe byari bimugoye, nanjye ndayababwiye bahutu, batutsi, batwa mwiyita Abanyarwanda, muri ibi bihe bitugoye cyane. 

U RWANDA NK’IGIHUGU RWAGOMBYE KUBABWAMO N’ABENEGIHUGU, ARI BO : ABANYARWANDA. 

Kugeza ubu nandika nta Munyarwanda wari waboneka uba mu Rwanda cyangwa hanze yarwo bose bihinduye abanyamahanga. Ni